მესტიის მუნიციპალიტეტის კალის საჯარო სკოლაში, ევროპის საბჭოსა და საქართველოს განათლების სამინისტროს კამპანია „მე ვირჩევ თანასწორობას“ ფარგლებში, ჩატარდა პროექტ-გაკვეთილი „ტოლერანტობა ჩემი სურვილია“.
„პროექტის ავტორთან და წამყვანთან - გიორგი ტერუნაშვილთან ერთად გეგმის შედგენასა და განხორციელებაში აქტიური მონაწილეობა მიიღეს ამავე სკოლაში მომუშავე პროგრამის „ასწავლე საქართველოსთვის“ კონსულტანტ-მასწავლებლებმა: ჯიმშერ კაპანაძემ, ხათუნა ხონელიძემ და ლანა დვალიშვილმა.
პროექტში აქტიურად ჩაერთო სპორტის მასწავლებელი ელგუჯა ხარძიანი. როგორც ტექნიკური, ისე ორგანიზაციული მხარდაჭერა გაგვიწია სკოლის დირექციამ.
პროექტ-გაკვეთილის ძირითადი მიზანი მულტიკულტურალიზმი და ინკლუზიური გარემოს შექმნის გზით განსხვავებულობის მიმღებლობის ხელშეწყობა, მოსწავლეთა ემპათიის წახალისება იყო. ჯგუფების პრეზენტაციებმა და შეჯამების ეტაპზე დასმულმა შეკითხვებმა ცხადყო, რომ მიზანი მიიღწეულია“,- ნათქვამია სკოლის განცხადებაში.
იხილეთ ფოტოები
