გარდაბნის N3 საჯარო სკოლის მე-5^ბ კლასში ჩატარდა ზეიმი სახელწოდებით - „შემოდგომის გაცილება“. ღონისძიებას ხელმძღვანელობდნენ მე-5^ბ კლასის დამრიგებელი საბინა გასიმოვა და ქართულის, როგორც მეორე ენის მასწავლებელი მარინე ლობჟანიძე.

მოსწავლეებმა ზეიმის თემატიკის შესაბამისად მორთეს საკლასო ოთახი ხილის ხონჩებით, ძაფზე ასხმული ნიგვზით და თანატოლებთან ერთად,მხიარულად გააცილეს შემოდგომა ლექსებით, სიმღერებით, ცეკვით.

ზეიმის დასასრულს, პედაგოგმა, მარინე ლობჟანიძემ თათარა გააკეთა, მოსწავლეებმა კი ჩურჩხელები ამოავლეს. შემოდგომის გაცილების ზეიმი ლაღი, მხიარული და დადებითი ემოციებით დატვირთული აღმოჩნდა.

იხილეთ ფოტოები