
თელავის მუნიციპალიტეტში, იყალთოს საჯარო სკოლაში, ეკოკლუბისა და სამოქალაქო კლუბის თანამშრომლობის კუთხით, ეკოკლუბ „იყალთოს“ ლიდერმა, ლიკა გარსევანიშვილმა მოაწყო პრეზენტაცია თემაზე - „ნარჩენების მართვა“.
ღონისძიებაზე, ძირითადად, განიხილეს ისეთი საკითხები, როგორიცაა ნარჩენების მართვა და მისი მნიშვნელობა; საქართველოში არსებული რეგულაციები ნარჩენების მართვასთან დაკავშირებით.
პრეზენტატორმა დამსწრე საზოგადოებას შეატყობინა, რომ ეკოკლუბმა მოიგო პროექტი და 600$-იანი გრანტი, რაც გულისხმობს თემის დონეზე ჩართვას ნარჩენების მართვაში.
ღონისძიებას ესწრებოდნენ მეცხრე, მეათე, მეთერთმეტე კლასის მოსწავლეები და მასწავლებლები, რომლებიც, პრეზენტაციის დასასრულს, დისკუსიაში ჩაერთნენ.
იხილეთ ფოტოები