ხელვაჩაურის მუნიციპალიტეტის ახალსოფლის საჯარო სკოლაში პროექტი - „ნუ წავართმევთ საკუთარ თავს ბავშვობას“ განხორციელდა.

პროექტის ხელმძღვანელი ბიოლოგიის მასწავლებელი მავილე გოგიტიძე იყო. პროექტზე იმუშავეს XI კლასის მოსწავლეებმა: მალვინა ფარტენაძემ, მარიამ სურმანიძემ, მეგი ლეონიძემ და ნიტა პაპიძემ.

მოსწავლეებმა საინტერესოდ და ამომწურავად ისაუბრეს საქართველოში არსებული სტატისტიკური მონაცემების შესახებ ნაადრევ ქორწინებაზე, ქორწინების გამომწვეულ პრობლემებზე, დანგრეულ ოჯახებზე, უმწეოდ დარჩენილ, ჯამრთელობადაკარგულ ახალგაზრდა გოგონებზე.

პროექტში ასევე წარმოდგენილი იყო ფსიქოლოგის და ექიმის საჭირო რჩევები, ასევე სკოლის მოსწავლეებისგან აღებული ანკეტური გამოკითხვების შედეგები.

პროექტის დასრულების შემდეგ მოსწავლეებმა აზრები გაცვალეს. კითხვა-პასუხის რეჟიმში აქტიურად ჩაერთვნენ მე-9, მე-10 ,მე-11 და მე- 12 კლასის მოსწავლეეები.

იხილეთ ფოტოები