ფარცხანაყანევის N4 საჯარო სკოლაში თანასწორობისა და ტოლერანტობის თემაზე გაკვეთილი ჩატარდა
15-11-2019
წყალტუბოს მუნიციპალიტეტის ფარცხანაყანევის N4 საჯარო სკოლაში ტოლერანტობის საერთაშორისო დღესთან დაკავშირებით გაკვეთილი ჩატარდა.
გაკვეთილი სამოქალაქო განათლების პედაგოგმა მაკა თევდორაძემ IX კლასში ჩაატარა.
გაკვეთილის თემა იყო: „თანასწორობა და ტოლერანტობა“.
მოსწავლეები სასწავლო პროცესში აქტიურად ჩაერთნენ. მათ თემასთან შესაბამისი კედლის გაზეთები დაამზადეს და ტოლერანტობის მნიშვნელობაზე იმსჯელეს.
გაკვეთილს სხვა პედაგოგებიც ესწრებოდნენ.
სკოლის წარმომადგენლის ინფორმაციით, გაკვეთილი - „თანასწორობა და ტოლერანტობა“ შემეცნებითი და დასამახსოვრებელი იყო.
იხილეთ ფოტოები
სკოლების სიახლეები
