თელავის მუნიციპალიტეტის ართანის საჯარო სკოლის I-IV კლასის მოსწავლეებმა საშემოდგომო ზეიმი - „ბარაქიანი შემოდგომა“ ჩაატარეს.

„გარემო გაფორმებული იყო თემატური გამოფენებით, წარმოდგენილი იყო შემოდგომის ნობათი. ღონისძიებაზე დუღდა  თათარა, ბავშვები საკუთარი ხელით ავლებდნენ ჩურჩხელებს და აგემოვნებდნენ“,- ამბობს სკოლის წარმომადგენელი.

მისივე თქმით, ღონისძიებაში როგორც ბავშვები, ასევე მშობლები და მასწავლებლები აქტიურად იყვნენ ჩართულნი.

„სილაღე, ხალისიანი განწყობა, პატარების ღიმილიანი სახეები იქ მყოფ საზოგადოებას მთელი ზეიმის განმავლობაში დადებითად მუხტავდა“,- აღნიშნა სკოლის წარმომადგენელმა.

მოსწავლეებს პედაგოგები ნინო გაგანაშვილი და თეა ჩახუტაშვილი ხელმძღვანელობდნენ.

იხილეთ ფოტოები