მარნეულის მუნიციპალიტეტის აღმამედლოს საჯარო სკოლაში ქართულის, როგორც მეორე ენის კლუბის ფარგლებში, პედაგოგ მედეა ხაჩიძესთან ერთად, პროექტი - „მე ვიცნობ ჩემს მუნიციპალიტეტს“ განხორციელდა.

„მოვიძიეთ საჭირო ლიტერატურა, დავიხმარეთ ვიკიპედია, მოვხაზეთ საზღვრები რუკაზე. გავიგეთ და გავეცანით ბევრ საინტერესო მასალას. ეს ჩვენთვის იყო ქართული ენის პრაქტიკაც, რადგან ყველაფერ ამას ქართულ ენაზე ვეცნობოდით“,- ამბობს სკოლის წარმომადგენელი.

მისივე თქმით, პროექტის დასასრულს X-XI საუკუნის გაგის ციხეზე ლაშქრობა მოაწყეს.

„ციხემ მოგვხიბლა თავისი დიდებულებით. უამრავი სათოფურით, გალავნის ნარჩენებითა და გოდოლებით. პროექტი გრძელდება და ბაბაქარის მთების დალაშქვრას ვგეგმავთ“,- ამბობს სკოლის წარმომადგენელი.

იხილეთ ფოტოები