ხულოს მუნიციპალიტეტის ჩაოს საჯარო სკოლის სამოქალაქო განათლების კლუბის წევრებს ყალბი ინფორმაციისა და ანტიდასავლური პროპაგანდის შესახებ ტრენინგი ჩაუტარდათ.
სკოლას მოწვეული ჰყავდა ტრენერები თავისუფალ ჟურნალისტთა სახლიდან.
„შეხვედრაზე განიხილეს მიზანმიმართული პროპაგანდის მაგალითები. მონაწილეები გაეცნენ კვლევას, რომელშიც საუბარი იყო, ძირითად, ყალბ ინფორმაციაზე. იმსჯელეს, რამდენად ხშირად ხდება თითოეული ჩვენგანი ინტერნეტში გავრცელებული მცდარი ინფორმაციის მსხვერპლი. მონაწილეები ასევე გაეცნენ ყალბ ინფორმაციასა და ანტიდასავლურ პროპაგანდასთან ბრძოლის გზებს“,-ნათქვამია სკოლის განცხადებაში.
პროექტი „დემოკრატიული იდეებისა და ღირებულებების პოპულარიზაცია აჭარაში“ ხორციელდება ამერიკული ფონდის - „ეროვნული წვლილი დემოკრატიისთვის (NED)“ მხარდაჭერით.
ინფორმაციული სახის შეხვედრამ მოსწავლეებს ხელი შეუწყო ცნობიერების ამაღლებაში.
იხილეთ ფოტოები
