ტყიბულის მუნიციპალიტეტის კურსების საჯარო სკოლის მე-11 კლასის მოსწავლე, ანა ჩუბინიძე ამიერკავკასიის ნახატების კონკურსში - „გოგონები მშვიდობისათვის“/ „Girls for peace“ მონაწილეობდა.

ანა ჩუბინიძის შესრულებულმა მხატვრულმა კომპოზიციამ „იფრინეთ მშვიდობის მტრედებო“ ჟიურის აღიარება მოიპოვა და მოხვდა კონკურსის ქართველ მონაწილეთაგან გამარჯვებულ ხუთეულში.

„ანა ჩუბინიძეს ინფორმაციის მიწოდებასა და კონკურსში მონაწილეობის ორგანიზებაში დახმარება გაუწია გერმანული ენისა და ლიტერატურის პედაგოგმა ნატო აბესაძემ, რომელიც 2010 წლიდან არის კულტურული მედიატორი გერმანიასა და საქართველოს შორის. ვულოცავთ ანას დამსახურებულ აღიარებას და ვუსურვებთ მომავალში მრავალ გამარჯვებას“,-აცხადებს სკოლის წარმომადგენელი.

ნახატების კონკურსის შემაჯამებელი პრეზენტაცია მიმდინარე წლის სექტემბერში თბილისში გაიმართა.

იხილეთ ფოტოები