ოტია იოსელიანის სახელობის წყალტუბოს N1 საჯარო სკოლაში, საბუნებისმეტყველო მეცნიერებათა კათედრის კვირეულში, ვიქტორინა-კონკურსი - „ჩვენ გვიყვარს ქიმია“ ჩატარდა.

გამარჯვება XI^ბ კლასის გუნდმა მოიპოვა. ვიქტორინა-კონკურსს პედაგოგი თათია ივანეიშვილი ხელმძღვანელობდა.

ერთმანეთს ეჯიბრებოდნენ XI^ა კლასის გუნდი „მენდატონი“, დევიზით - „ერთად ვცდილობთ, ერთად ვაღწევთ“ და XI^ბ კლასის გუნდი „დეკანო პინიონი“, დევიზით - „ძალა ერთობაშია“.

გუნდებს ერთი და იგივე დონის 8 შეკითხვა დაურიგდათ. მათი პასუხები სათანადო ქულებით შეფასდა.

განტვირთვის მიზნით, პედაგოგმა ამონიუმის ბიქრომატის გამოყენებით უსაფრთხო ცდა- „ვულკანის ამოფრქვევა“ ჩაატარა.

„ლიდერებს შორის გაიმართა ბლიც კითხვები, ბოლოს ჯგუფებმა კითხვები დაუსვეს ერთმანეთს, გაიმართა დისკუსია. შედეგებიდან გამომდინარე გაიმარჯვა XI^ბ კლასის გუნდმა“,- ამბობს სკოლის წარმომადგენელი.

იხილეთ ფოტოები