ხელვაჩაურის მუნიციპალიტეტის სალიბაურის N2 საჯარო სკოლის მეორე კლასის მოსწავლეებმა, ალექსანდრე შაინიძემ, დავით დოლიძემ და სანდრო შარაშიძემ, Izrune.ge-ს  27 ოქტომბრის შემაჯამებელ ტესტირებაში უმაღლესი შეფასება და „ოქროს დიპლომი“ დაიმსახურეს.

„მათ ასახელეს სკოლა, კლასი, ოჯახი. ვულოცავთ მათ ამ წარმატებას და კვლავაც გამარჯვებას ვუსურვებთ“,- ამბობს სკოლის წარმომადგენელი.

მისივე თქმით, მეორე კლასის მოსწავლეები Izrune.ge-ს მიერ შემოთავაზებულ პროექტში დიდი ინტერესითა და ხალისით ჩაებნენ.

„ყველა მოსწავლემ გამოთქვა პროექტში მონაწილეობის სურვილი. ისინი სისტემატიურად ასრულებდნენ Izrune.ge-ს სავარჯიშო და შემაჯამებელ ტესტებს. ამგვარმა მეცადინეობამ საგრძნობლად აამაღლა მოსწავლეთა მოტივაცია, მათ მოუხდათ ბევრი საკითხის გარშემო ინფორმაციის მოძიება და ცოდნის დონის გაუმჯობესება“, -  ამბობს სკოლის წარმომადგენელი.

მეორე კლასის დამრიგებელი მადონა ავალიანია.

ინოვაციურ საგანმანათლებლო პორტალ Izrune.ge-ზე  ყოველი თვის ბოლო კვირა „შვილებზე განსაკუთრებულად ზრუნვის დღეა“.  ამ დღეს მოსწავლეები პორტალზე შემაჯამებელ ტესტს გადიან.

იხილეთ ფოტოები