ზუგდიდის მუნიციპალიტეტის, ალერტკარის საჯარო სკოლის მეათე, მეთერთმეტე და მეთორმეტე კლასის მოსწავლეები დეტექტიურ-ინტელექტუალურ თამაშში-„იპოვე დამნაშავე“ მონაწილეობდნენ.

თამაში ზუგდიდში, საქართველოს უნივერსიტეტის კუთხის ინიციატივით გაიმართა.

მონაწილეებს თამაშის ფარგლებში სიტუაციური ამოცანიდან გამომდინარე დამნაშავე უნდა ეპოვათ. გუნდი დამნაშავის საპოვნელად თუ სწორ ნაბიჯს გადადგამდა, მას ეძლეოდა მინიშნება შედეგის მისაღებად - ეპოვნა დამნაშავე.

თამაშის შემდეგ მოსწავლეები სიგელებით დაჯილდოვდნენ, ხოლო სკოლა ბიბლუსის წიგნების მაღაზიის ვაუჩერით.

თამაშისთვის ბავშვების ტრანსპორტირება სკოლამ უზრუნველყო.

იხილეთ ფოტოები