ოტია იოსელიანის სახელობის, წყალტუბოს N1 საჯარო სკოლაში VI^ბ კლასის მოსწავლეებმა საბუნებისმეტყველო მეცნიერებათა კვირეული გახსნეს.

კლასის დამრიგებელი ლელა მანდარიაა.

ბუნებისმეტყველების მასწავლებელმა, დალი სილაგაძემ და ისტ-ის მასწავლებელმა, ინგა არაბიძემ, ერთობლივად დაგეგმეს კონკურსი - „ცოდნა ბედნიერებაა“.

ხუთმა მოსწავლემ - დავით ჯანელიძემ, ლილე ბენდელიანმა, ნიკოლოზ კიკვიძემ, ჯულიანა კუბლაშვილმა და ლევან ბენიძემ კონკურსის ფარგლებში წარმატებითა და მთელი სერიოზულობით ითამაშეს.

როგორც სკოლის მიერ მოწოდებულ ინფორმაციაშია ნათქვამი, „მათ ბუნებისმეტყველებაში ცოდნა და უნარ-ჩვევები გამოიყენეს, დაამტკიცეს, რომ ცოდნა მართლაც ბედნიერებაა“.

კვირეულის გახსნას ესწრებოდნენ სკოლის დირექტორი და საბუნებისმეტყველო კათედრის პედაგოგები.

ამავე დღეს ეკო-კლუბ „ნიამორის“ ხელმძღვანელობით შეგროვილი მაკულატურა ჩააბარეს, რითიც ხაზი გაუსვეს მათი მოქალაქეობრივი ცნობიერების მაღალ დონეს, რომ აღნიშნული საქმიანობით ხელს შეუწყობენ ტყის გადარჩენას.

იხილეთ ფოტოები