თეთრიწყაროს მუნიციპალიტეტის წინწყაროს საჯარო სკოლის X კლასის მოსწავლეები პროგრამის - „ჩემი პირველი კომპიუტერი“ ფარგლებში წარჩინებული სწავლისთვის ლეპტოპებით დაჯილდოვდნენ.
სკოლის დირექცია ულოცავს სალომე ლიპარტელიანს, თამარ თედორაძეს, მარიამ რატიანს, იეგანა ალახვერდოვას, თენგიზ ტვილდიანს, ლადო რატიანსა და ვანო გუჯეჯიანს დამსახურებულ ჯილდოს და მოსწავლეებს წარმატებებს უსურვებს.
პროგრამა „ჩემი პირველი კომპიუტერი“ 2009 წლიდან ხორციელდება. პროგრამის ბენეფიციარებად განისაზღვრნენ საჯარო სკოლის მოსწავლეები, რომლებმაც საბაზო საფეხური (მე-7, მე-8 და მე-9 კლასები) წარჩინებით დაამთავრეს და მათი საფეხურის ნიშანია 10 ქულა (დამრგვალების გარეშე).
პროგრამის მიზანი მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერებაა.
