მასწავლებელთა გამოცდის ბოლო დღეს აპლიკანტთა დაახლოებით 22% არ გამოცხადდა
08-11-2019
საქართველოში შემოდგომაზე ორგანიზებული მასწავლებელთა გამოცდები დასრულდა. დღეს ტესტირება აპლიკანტებმა სახვით და გამოყენებით ხელოვნებაში, ფიზიკაში, მათემატიკაში, ქიმიასა და სპორტში ჩააბარეს.
შეფასებისა და გამოცდების ეროვნული ცენტრის ინფორმაციით, დარეგისტრირებული მონაწილეებიდან ტესტირებაზე 78%-მდე აპლიკანტი გამოცხადდა, 22%-მდე კი ტესტირებაზე არ მივიდა.
შეგახსენებთ, რომ შემოდგომაზე ორგანიზებული საგნობრივი და პროფესიული კომპეტენციების დადასტურების პროცესი დღეს, 8 ნოემბერს დასრულდება.
სკოლების სიახლეები
