ბანოჯის საჯარო სკოლაში ინტელექტუალური თამაში ჩატარდა
08-11-2019
წყალტუბოს მუნიციპალიტეტის ბანოჯის საჯარო სკოლის სააქტო დარბაზში ინტელექტუალური თამაში - „ტვინების ბრძოლა“ გაიმართა.
კონკურსში III-XII კლასის მოსწავლეები მონაწილეობდნენ.
ინტელექტუალურ თამაშში სულ ექვსი გუნდი „ათენა“, „ნიკე“, „იმბატუტო“, „ფენიქსი“, „აზრიანი“ და „საზრიანი“ მონაწილეობდა, რომლებმაც საკმაოდ შთამბეჭდავად გაართვეს თავი რთულ დავალებებს.
ჯანსაღი კონკურენციის პირობებში „ნიკეს“, „ფენიქსისა“ და „საზრიანის“ გუნდებმა მოიპოვეს გამარჯვება.
„თამაშის შემდეგ აღფრთოვანებას ვერ მალავდნენ მოსწავლეები და მათი მშობლები. სკოლის დირექტორი მიესალმა მოსწავლეთა აქტიურ ჩართულობას სასკოლო ცხოვრებაში და სიურპრიზებსაც დაჰპირდა, რამაც კიდევ უფრო გაზარდა მოსწავლეთა მოტივაცია მომავალი კონკურსისათვის“,- აცხადებს სკოლის წარმომადგენელი.
იხილეთ ფოტოები
სკოლების სიახლეები
