საგარეჯოს მუნიციპალიტეტის კაკაბეთის საჯარო სკოლა მიმდინარე წლის 24 მარტიდან ჩართულია პროექტში - „ახალი სკოლის მოდელი“.
მიმდინარე სასწავლო წელს I-IV კლასებში „ახალი სკოლის მოდელის“ ფარგლებში სახალისო და საინტერესო საგაკვეთილო პროცესი ინერგება.
სკოლის წარმომადგენლის ცნობით, ტექნოლოგიების ინტეგრირებით მოსწავლეებს უვითარდებათ კრიტიკული, ანალიტიკური და შემოქმედებითი აზროვნების, პრობლემების გადაჭრის, თანამშრომლობითი, კომუნიკაციის, ინიციატივის გამოვლენის, ტრანსფერის და დამოუკიდებელი საქმიანობის უნარ-ჩვევები.
პროექტი „ახალი სკოლის მოდელი“ განათლების, მეცნიერების, კულტურისა და სპორტის სამინისტრომ ცოტა ხნის წინ დაიწყო. სკოლაში მთელი სემესტრით შედის ჯგუფი ოთხი ქოუჩის შემადგენლობით. ქოუჩები სასკოლო საზოგადოების წევრებთან ერთად ზრუნავენ სწავლა-სწავლების ხარისხის გაუმჯობესებასა და სასკოლო კულტურის გარდაქმნაზე.
