ზუგდიდის მუნიციპალიტეტის დარჩელის N1 საჯარო სკოლაში ფილმის - „საოცრება“ ჩვენება გაიმართა.

ფილმი პროექტის - „გულით, გონებით, ხელებით“ ფარგლებში აჩვენეს, რომლის მიზანიც ინკლუზიური სწავლებისა და სსსმ მოსწავლეების სოციუმში ჩართულობის ხელშეწყობაა. ფილმის ნახვის შემდეგ დისკუსია გაიმართა. განხილვაზე არასამთავრობო ორგანიზაცია „მერკურის“ ფსიქოლოგი თამარ ბებია იყო მიწვეული.

პროექტი - „გულით, გონებით, ხელებით“ ხორციელდება „ახალი სკოლის მოდელის“ ფარგლებში. აქტივობების განხორციელებაში სკოლას ლიდერობის სპეციალისტი თეა გაბელაია, კურიკულუმის ექსპერტი ცირა სართანია და ტექნოლოგიების ექსპერტი ლაშა ლოგუა ეხმარებიან. 

იხილეთ ფოტოები