ამბროლაურის მუნიციპალიტეტის ლიხეთის საჯარო სკოლის საბუნებისმეტყველო ლაბორატორიაში, თემაზე  - „ელექტრული ენერგიის გადაცემა-ტრანსფორმატორი“ ფიზიკის გაკვეთილი ჩატარდა.

გაკვეთილის ფარგლებში ცდა ჩაატარეს. მოსწავლეებმა გაიგეს თუ როგორ შეიძლება ტრანსფორმატორის საშუალებით პრაქტიკაში ელექტრომაგნიტური ინდუქციის მოვლენის გამოყენება.

„ცდის მიზანი არის თუ როგორ შეიძლება ტრანსფორმატორის საშუალებით ცვლადი დენის გარდაქმნა. თუ პირველადი გრაგნილის ხვიათა რიცხვი მეტია მეორად გრაგნილზე არსებულ ხვიათა რიცხვზე, მაშინ ტრანსფორმატორი არის დამადაბლებელი, ე.ი ძაბვას ადაბლებს. ხოლო თუ მეორად გრაგნილზე ხვიათა რიცხვი მეტია პირველად გრაგნილზე არსებულ ხვიათა რიცხვზე მაშინ ტრანსფორმატორი არის ამამაღლებელი, ე.ი ძაბვას ამაღლებს“,- ამბობს სკოლის წარმომადგენელი.

გაკვეთილს მასწავლებელი გურამ გიორხელიძე ხელმძღვანელობდა.

იხილეთ ფოტოები