24 ოქტომბერს, თელავის მუნიციპალიტეტის, ვარდისუბნის საჯარო სკოლის სააქტო დარბაზში VII-XII კლასის მოსწავლებისთვის თემაზე - „24 ოქტომბერი - გაეროს საერთაშორისო დღეა“ ლექცია-საუბარი ჩატარდა.

თემის შესახებ ინფორმაცია და სათანადო ფოტო-მასალა მოამზადეს X კლასის მოსწავლეებმა: მარიამ გიგიტელაშვილმა, ანი ჯაშიაშვილმა, სალომე ყარაულაშვილმა, ირინა ხვთისოშვილმა და ირინა ჯავახიშვილმა გეოგრაფიის მასწავლებლის ელენე თუშიშვილის უშუალო დავალებით და ხელმძღვანელობით.

სკოლის წარმომადგენლის თქმით, ლექცია-საუბრის მიზანი იყო მოსწავლეებს გაეგოთ გაეროს შექმნის ისტორია, მისი სტრუქტურა და ადგილი მსოფლიოს უსაფრთხოებისა და მშვიდობის საკითხებში.