თელავის მუნიციპალიტეტის ვარდისუბნის საჯარო სკოლაში, სახელმწიფო ენისა და ხელოვნების კათედრების ხელმძღვანელობით, მასწავლებლის დღისადმი მიძღვნილი საზეიმო ღონისძიება ჩატარდა.

ღონისძიებაში I – XII კლასის მოსწავლეები მონაწილეობდნენ. ღონისძიება XII კლასის წარჩინებულ მოსწავლეს, თამთა ყარაულაშვილს, მიჰყავდა.

„აღსაზრდელებმა ორიგინალური ნომრებით მიულოცეს პედაგოგებს პროფესიული დღე. ერთმანეთს ცვლიდა სიტყვა, ლექსი და სიმღერა. ღონისძიებას მუსიკალურად აფორმებდა პედაგოგი ნინო ბაქრაძე“,- ამბობს სკოლის წარმომადგენელი.

სახელმწიფო ენის კათედრის ხელმძღვანელი მ.სუმბაძე, ხოლო ხელოვნების კათედრის ხელმძღვანელი ლ.კობიაშვილია.

კოლეგებს, მოსწავლეებს და მშობლებს სკოლის დირექტორმა, ია ღარიბაშვილმა, სიტყვით მიმართა.

პედაგოგებმა აღსაზრდელებს თბილი, ესთეტიკურად ლამაზი ღონისძიებისათვის მადლობა გადაუხადეს. ღონისძიება დირექტორის მოადგილემ სასწავლო-აღმზრდელობით დარგში, შირვან ალიევმა, შეაჯამა.

მასწავლებლის საერთაშორისო დღე 5 ოქტომბერს აღინიშნება.

იხილეთ ფოტოები