აბაშის მუნიციპალიტეტში ჩატარდა შესარჩევი კონკურსი საჯარო სკოლის მოსწავლეებისთვის, გაცვლითი პროგრამის ფარგლებში, გერმანიის ქალაქ იულიხის ფიზიკის სამეცნიერო-კვლევითი ცენტრის კვლევებში ჩასართავად ყველაზე ნიჭიერი ფიზიკოსის გამოსავლენად, რომელშიც გაიმარჯვეს და პირველი ადგილები გაინაწილეს მაიდნის საჯარო სკოლის მოსწავლეებმა, დებმა - ელენე და მარიამ ჯანგველაძეებმა.
„მაიდნის საჯარო სკოლის პედაგოგიური კოლექტივი ულოცავს ელენე და მარიამ ჯანგველაძეებს ამ დიდ გამარჯვებას, რომელიც დაუღალავი შრომის ნაყოფია ჩვენი პედაგოგების - ვაჟა ტეტუნაშვილისა და ირმა თოდიძის, რომლებსაც უღრმესი მადლობა გვინდა გადავუხადოთ გაწეული შრომისთვის.
ასევე, უდიდესი მადლობა გვინდა გადავუხადოთ პროგრამის „ასწავლე საქართველოსთვის" ხელმძღვანელებს ასეთი პროგრამის განხორციელებისთვის“,-აცხადებს სკოლის წარმომადგენელი.
