აფხაზეთის N12 საჯარო სკოლის 6-მა პედაგოგმა სტატუსი აიმაღლა.

კერძოდ კი სკოლის 6 პედაგოგს: ნატო ბენდელიანს, ჯილდა მორცხულავას, ელმირა მირცხულავას, სოფიკო გვარამიას, ნანა ზარქუას და თეა ყოლბაიას უფროსი მასწავლებლის სტატუსი მიენიჭა.

„აფხაზეთის N12 საჯარო სკოლა განაგრძობს წინსვლას მასწავლებელთა პროფესიული განვითარების  მხრივ. ვულოცავთ და ვუსურვებთ შემდგომ წარმატებებს“, - ნათქვამია აფხაზეთის N12 საჯარო სკოლის მიერ etaloni.ge-სთვის გამოგზავნილ ინფორმაციაში.

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები 4 კატეგორიად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.