ახალციხის N4 საჯარო სკოლის მათემატიკის წრის რიგით მე-3 სამუშაო შეხვედრა გაიმართა.

საწრეო მუშაობის თემა იყო - „მოქმედებების შესრულება“.

წრის ხელმძღვანელმა პედაგოგმა მოსწავლეები ორ ჯგუფად დაყო. ერთი ჯგუფი II-III კლასის მოსწავლეებით დააკომპლექტა, ხოლო მეორე ჯგუფი IV –Vკლასის მოსწავლეებით.

„დავალებების მიცემის დროს გათვალისწინებული მქონდა მოსწავლეთა ასაკობრივი შესაძლებლობები. ბავშვები მუშაობდნენ ჯგუფში, ერთმანეთთან თანამშრომლობდნენ, ინაწილებდნენ დავალებებს და პატივს სცემდნენ ერთმანეთის აზრს. ვფიქრობ, რომ დაგეგმილი აქტივობები მოსწავლეებისთვის ძალიან საინტერესო გამოდგა“,- ამბობს წრის ხელმძღვანელი.

მისივე თქმით, მოსწავლეები დავალებებს ძალიან დიდი ხალისით ასრულებდნენ და წარმატების შემთხვევაში ემოციებს გამოხატავდნენ.

სამუშაოს ბოლოს მოსწავლეებმა პლაკატი - „მათემატიკური მოქმედებები“ დაამზადეს.

იხილეთ ფოტოები