აბაშის მუნიციპალიტეტის მაცხოვრისკარის საჯარო სკოლაში მნიშვნელოვან თარიღებს ყოველთვის აღნიშნავენ.

მათ შორის, აღნიშნეს საქართველოს დამოუკიდებლობის დღე. მოსწავლეებმა დამოუკიდებლობის დღესთან დაკავშირებით თემატური პლაკატები შექმნეს და თვალსაჩინო ადგილას გამოაკრეს.

1918 წლის 26 მაისს, თბილისში, საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.  საქართველოს დამოუკიდებლობა ევროპის წამყვანმა ქვეყნებმა აღიარეს.  საქართველოს დემოკრატიულმა რესპუბლიკამ არსებობა სამი წლის შემდეგ, საბჭოთა რუსეთის მიერ განხორციელებული ოკუპაციის შედეგად შეწყვიტა. საქართველომ დამოუკიდებლობის აღდგენა 1991 წლის 9 აპრილს შეძლო.

იხილეთ ფოტოები