წყალტუბოს მუნიციპალიტეტის ცხუნკურის N1 საჯარო სკოლაში „სადამრიგებლო კლასის საათის“ ფარგლებში შეხვედრა გაიმართა.

თემა გახლდათ - „თქვენი სიცოცხლე ჩვენთვის მნიშვნელოვანია“. შეხვედრას XI კლასის დამრიგებელი ვერიკო ობოლაძე უძღვებოდა.

სკოლის წარმომადგენლის ცნობით, აღნიშნული აქტივობა სუიციდთან დაკავშირებულ ბოლოდროინდელ განვითარებულ მოვლენებს ეხებოდა.

ხელმძღვანელის ორგანიზებით, საუბარი საინტერესოდ წარიმართა. აქტივობის ფარგლებში, სუიციდის გამომწვევი მიზეზები და პრევენციის ხერხები განიხილეს. მოსწავლეებმა აღნიშნულ პრობლემასთან დაკავშირებით მნიშვნელოვანი მოსაზრებები გამოთქვეს.

ისტორიის, პედაგოგმა გალაქტიონ სვანიძემ ქრისტიანობაში, ისლამსა და ბუდიზმში თვითმკვლელობის საკითხზე ისაუბრა.

იხილეთ ფოტოები