როდიონოვკის საჯარო სკოლის 4 პედაგოგს უფროსი მასწავლებლის სტატუსი მიენიჭა
18-10-2019
ნინოწმინდის მუნიციპალიტეტის, როდიონოვკის საკარო სკოლის 4 პედაგოგს უფროსი მასწავლებლის სტატუსი მიენიჭა.
„როდიონოვკის საჯარო სკოლას სასიამოვნო სიახლე აქვს. მასწავლებელთა პროფესიული განვითარების სქემის ფარგლებში კონსულტანტ-მასწავლებელ თინა დულარიძის ხელშეწყობით სკოლის 15 პედაგოგიდან 4-ს უფროსი მასწავლებლის სტატუსი მიენიჭა", - ვკითხულობთ სკოლის მიერ მოწოდებულ ინფორმაციაში.
სკოლის დირექცია მასწავლებლებს წინსვლას ულოცავს და პროფესიულ საქმიანოობაში წარმატებებს უსურვებს.
მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები 4 კატეგორიად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
სკოლების სიახლეები
