საგარეჯოს მუნიციპალიტეტის პატარძეულის საჯარო სკოლის სამოქალაქო განათლების  კლუბი აქტიურ რეჟიმში მუშაობს. 

სკოლის წარმომადგენლის განცხადებით, სამოქალაქო კლუბის მოსწავლეთა ფართო სპექტრი მიმდინარე პროექტებში ჩართულია და მათ მიერ განხორციელებულმა აქტივობებმა თემი მოიცვა.

„კლუბი აქტიურადაა ჩართული „მომავლის  თაობის“ პროგრამაში  და ბავშვები ამ ეგიდით არაერთ ინოვაციურ პროდუქტს ქმნიან. მადლობას ვუხდი კლუბის ხელმძღვანელს, პედაგოგს ლია მღებრიშვილს, სამაგალითო  მუშაობისათვის და მინდა წარმატებები  ვუსურვო მის გუნდს“,- ამბობს სკოლის წარმომადგენელი.

„მომავლის თაობა“ პროგრამაა, რომლის მიზანიც ახლგაზრდების სამოქალაქო მონაწილეობის ხელშეწყობა და სკოლებში სამოქალაქო განათლების სასწავლო პროგრამის გაძლიერებაა.

იხილეთ ფოტოები