წყალტუბოს N4 საჯარო სკოლის  მოსწავლეებმა მშვიდობის საერთაშორისო დღესთან დაკავშირებით, ღონისძიება  სახელწოდებით - „მშვიდობა მსოფლიოს“ ჩაატარეს.

ღონისძიებაში სკოლის მე-5, მე-6, მე-8, მე-9 კლასის მოსწავლეები მონაწილეობდნენ. მათ ინგლისური ენის მასწავლებლები, იულია კუხალაშვილი და ნინო გიორხელიძე, ხელმძღვანელობდნენ.

ღონისძიებაზე მოსწავლეებმა მშვიდობის დღის დაწესებისა და ზოგადად მშვიდობის დაცვის მნიშვნელობაზე ისაუბრეს. ასევე მათ მიერ დაწერილი სლოგანები წარმოადგინეს.

„განსაკუთრებული მოწონება დაიმსახურა მათ მიერ დახატულმა პოსტერებმა და სხვადასხვა ხასიათის ნახატებმა, რომლებსაც მშვიდობის თეთრი მტრედები ამშვენებდა“,- აცხადებს სკოლის წარმომადგენელი.

21 სექტემბერი მშვიდობის საერთაშორისო დღეა.

იხილეთ ფოტოები