ზესტაფონის მუნიციპალიტეტის  მეორე სვირის N1 საჯარო სკოლამ კლიმატის ცვლილებების წინააღმდეგ აქცია „ჩვენ ვზრუნავთ კლიმატისათვის“ გამართა.

სკოლის წარმომადგენლის განცხადებით, აქციით სკოლა შვედი მოსწავლის მიერ დაწყებულ ბრძოლას „კლიმატის ცვლილების წინააღმდეგ“ აქტიურად გამოეხმაურა.

მოსწავლეებს გეოგრაფიის პედაგოგი ინგა წიგნაძე ხელმძღვანელობდა.

პედაგოგმა მოსწავლეებთან საინფორმაციო შეხვედრა გამართა. მოსწავლეებმა ნახეს საინფორმაციო ვიდეორგოლი და ნახატების გამოფენა მოაწყეს.

„11 ოქტომბერს, მეორე სვირის N1 საჯარო სკოლის მოსწავლეები მთელი საქართველოს სკოლების მიერ განხორციელებულ აქტივობას „პარასკევი მომავლისთვის“ შეუერთდნენ. მე-9 კლასელებმა სკოლის მოსწავლეებთან და მასწავლებლებთან ერთად, დიდ დასვენებაზე, მოაწყვეს აქცია „ჩვენ ვზრუნავთ კლიმატისათვის“. მათ საიფორმაციო ბუკლეტებიც დაარიგეს“,- აცხადებს სკოლის წარმომადგენელი.

მოსწავლეებმა პლაკატები მოამზადეს წარწერებით „გაამწავენე ბუნება“, „მეტი ჟანგბადი“ და ა.შ.

მოძრაობის „პარასკევი მომავლისთვის“ ინიციატორი შვედი ეკოაქტივისტი გრეტა ტუნბერგია.

იხილეთ ფოტოები