ჭიათურის  მუნიციპალიტეტის  თაბაგრების საჯარო სკოლის  მოსწავლეები პროექტს  „მოვუფრთხილდეთ დედამიწას“ შეუერთდნენ.

სკოლის მოსწავლეები მოძრაობას „პარასკევი მომავლისთვის“ გამოეხმაურნენ და პრეზენტაცია „პარასკევი მომავლისთვის, ჩვენ ვზრუნავთ კლიმატისთვის" გამართეს.

მოსწავლეებმა პრეზენტაცია გეოგრაფია-ბიოლოგიის მასწავლებლის, თინათინ ბაძგარაძის, ორგანიზებითა და ხელშეწყობით, 2019 წლის 11 სექტემბერს გამართეს.

მოსწავლეებმა ისაუბრეს იმ  გლობალურ  პრობლემებზე,  რაც  დედამიწას  ემუქრება და მათი გადაჭრის გზებზე  იმსჯელეს. მათ გადაწყვიტეს, რომ  პროექტს  ფართო  მასშტაბს  მისცემენ  და  მსგავს  პრეზენტაციებს საზოგადოების წარმომადგენლებთანაც  გამართავენ.

მოძრაობის „პარასკევი მომავლისთვის“ ინიციატორი შვედი ეკოაქტივისტი გრეტა ტუნბერგია. 

იხილეთ ფოტოები