დაბა ასპინძის საჯარო სკოლაში მასწავლებლის დღესთან დაკავშირებით ამაგდარ პედაგოგებთან საზეიმო შეხვედრა გაიმართა.

„სააქტო დარბაზში საზეიმო შეხვედრა გაიმართა სკოლის ამაგდარ პედაგოგებთან, რომლებმაც სკოლის კედლებში რამდენიმე ათეული წელი გაატარეს და მომავალი თაობის აღზრდას ღირსეულად ემსახურებოდნენ. „ქუდსაც მოგიხდი, ქედსაც მოგიხრი, მასწავლებელო ჩემო“- ამ სულისკვეთებით და ასეთი პატივისცემით იყო გამსჭვალული ყველა გამომსვლელის სიტყვა“,- ამბობს სკოლის წარმომადგენელი.

პროფესიული დღესასწაული სკოლის პედაგოგიურ კოლექტივს სკოლის დირექტორმა, კლარა ზედგინიძემ, მიულოცა. მან აღნიშნა, რომ  მასწავლებლის ღვაწლი ფასდაუდებელია და ამიტომაც არ არსებობს ყოფილი მასწავლებელი, მიუხედავად იმისა ის აქტიურად მოღვაწეობს თუ დამსახურებულ პენსიაში იმყოფება.

სკოლის ყველა პედაგოგს დირექციისგან საჩუქრები გადაეცა.

5 ოქტომბერი მასწავლებელთა საერთაშორისო დღეა.

იხილეთ ფოტოები