თბილისის N54 საჯარო სკოლის ორგანიზებით, ყოველწლიური საერთაშორისო საგანმანათლებლო კონფერენცია გაიმართება
08-10-2019
მიმდინარე წლის 10 ოქტომბერს, სოფიკო ჭიაურელის სახელობის ქალაქ თბილისის N54 საჯარო სკოლის ორგანიზებით, ყოველწლიური საერთაშორისო საგანმანათლებლო კონფერენცია გაიმართება.
კონფერენცია მოსწავლე ახალგაზრდობის ეროვნული სასახლის მხარდაჭერით ინტერნაციონალურ დარბაზში 15:00 საათზე ჩატარდება.
კონფერენციის ფარგლებში, პრეზენტაციებს გამართავენ თბილისის N54 საჯარო სკოლის, ესტონეთის ტალინის მაჰტრას ძირითადი სკოლისა და ლატვიის ჯაუნპილსის საშუალო სკოლის მასწავლებლები თემაზე: „სწავლების თანამედროვე მეთოდები ზოგადსაგანმანათლებლო სისტემაში“.
თბილისის N54 საჯარო სკოლის მხრიდან წარმოდგენილი იქნება სწავლების აპრობირებული და ინოვაციური მეთოდები, მათ შორის „ახალი სკოლის მოდელის“ ფარგლებში.
სკოლების სიახლეები
