ხულოს მუნიციპალიტეტის განახლების საჯარო სკოლის გუნდმა ხულოს მუნიციპალიტეტის საჯარო სკოლის გუნდებს შორის გამართულ ინტელექტუალურ თამაშში - „რა? სად? როდის?“ მეორე ადგილი დაიკავა.

თამაში ხულოს მუნიციპალიტეტის ქვემო ვაშლოვანის საჯარო სკოლაში, პროგრამის „ინტელექტუალურ-კულტურული პროექტების მხარდაჭერა“ ფარგლებში, ჩატარდა.

ინიციატორები იყვნენ აჭარის ავტონომიური რესპუბლიკის განათლების, კულტურისა და სპორტის სამინისტროს სსიპ „ახალგაზრდობის რეგიონული ცენტრი“ და ხულოს რესურსცენტრი.

შედეგები ასე გამოიყურება:

I ადგილი- დაბა ხულოს საჯარო სკოლის გუნდი
II ადგილი- განახლების საჯარო სკოლის გუნდი
III ადგილი- წმინდა ტბელ აბუსერიძის სკოლის გუნდი

გამარჯვებულები ფასიანი საჩუქრებით დაჯილდოვდნენ.

გამარჯვებული გუნდები ფინალურ ეტაპზე ინტელექტუალური თამაშის -„რა? სად? როდის?“ აჭარის ჩემპიონატში მიიღებენ მონაწილეობას.

იხილეთ ფოტოები