„დიდი სიყვარულით და მონდომებით“ - ახალსოფლის საჯარო სკოლის პირველკლასელებმა დირექტორთან ერთად სამახსოვრო ფოტო გადაიღეს
02-10-2019
ხელვაჩაურის მუნიციპალიტეტის ახალსოფლის საჯარო სკოლის პირველკლასელები სასკოლო გარემოს კარგად შეეჩვივნენ და პედაგოგები და სკოლის დირექტორიც შეიყვარეს.

სკოლის წარმომადგენლის თქმით, სკოლის ეზოში დასასვენებლად გასულებმა პირველკლასელებმა დირექტორთან ერთად სამახსოვრო ფოტოს გადაღება მოინდომეს. 

„პატარებმა დიდი სიყვარულით და მონდომებით ისურვეს ეზოში მდგომ დირექტორთან ერთად სურათის გადაღება“,- ამბობს სკოლის წარმომადგენელი.

პირველკლასელები სწავლის დაწყებით ძალიან გახარებულები არიან. მასწავლებლებმა მათ მოწესრიგებული საკლასო ოთახები დაახვედრეს.

ახალსოფლის საჯარო სკოლა ყველა მოსწავლესა და მასწავლებელს წარმატებულ სასწავლო წელს უსურვებს.
 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203