თელავის მუნიციპალიტეტის, ბუშეტის საჯარო სკოლის პედაგოგებმა სტატუსი აიმაღლეს. 

მანანა ბოჭორიშვილმა მენტორის სტატუსი, ხოლო ლიანა ჩხეტიანმა, ფიქრია წიკლაურმა და გვანცა ჟურულიშვილმა წამყვანი მასწავლებლის სტატუსი მოიპოვეს.

ამჟამად, 24 მასწავლებლიდან სკოლას 1 მენტორი, 3 წამყვანი და 11 უფროსი მასწავლებელი ჰყავს.

მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები 4 კატეგორიად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.