ახალციხის მუნიციპალიტეტის ურავლის საჯარო სკოლაში, ევროპის სპორტის კვირეულის ფარგლებში,  სპორტის სხვადასხვა სახეობაში შიდასასკოლო თამაშები ჩატარდა.

მოსწავლეები ერთმანეთს ფრენბურთში, კალათბურთსა და ჭადრაკში შეეჯიბრნენ.

სპორტულ აქტივობებში ჩართული ყველა მოსწავლე  თამაშებით კმაყოფილი დარჩა.

23-30 სექტემბერს, საქართველოს განათლების, მეცნიერების, კულტურისა და სპორტის სამინისტროსა და ფედერაციის „სპორტი ყველასათვის“ ორგანიზებით, საქართველოში ევროპის სპორტის კვირეული მეორედ გაიმართა.

იხილეთ ფოტოები