
ქუთაისის N12 საჯარო სკოლის მოსწავლეები საზაფხულო ბანაკებში იმყოფებოდნენ.
სასწავლო ოლიმპიადებში წარმატებული 3 მოსწავლე მიწვეული იყო წყნეთში, ბაქსვუდის საზაფხულო ბანაკში. აგრეთვე, მაღალი აკადემიური მოსწრების მქონე 3 მოსწავლე ისვენებდა ანაკლიის „მომავლის ბანაკში“ და ურეკში, ქალაქ ქუთაისის მუნიციპალიტეტის მერიის კულტურის, სპორტის,განათლებისა და ახალგაზრდობის საქმეთა განყოფილების მიერ ორგანიზებულ ბანაკში.
როგორც მოსწავლეებმა განცხადეს, საბანაკე აქტივობებმა ხელი შეუწყო ახალგაზრდების ინტელექტუალური, პიროვნული, პროფესიული და ფიზიკური პოტენციალის გამოვლენას, ფორმირებასა და განვითარებას. ქუთაისის N12 საჯარო სკოლასა და ამავე სკოლის მოსწავლეებს, ბანაკში, აქტივობებში მონაწილეობისთვის, სიგელები გადაეცათ.