ლამაზი და მოწესრიგებული სკოლის ინფრასტრუქტურა მოულოდნელი და სასიხარულო აღმოჩნდა ლანჩხუთის N1 საჯარო სკოლის მოსწავლეებისა და მათი მშობლებისთვის, რომლის კეთილმოწყობაში დიდი წვლილი მიუძღვის განათლების, მეცნიერების, კულტურისა და სპორტის სამინისტროს, საქართველოს პარლამენტის წევრს, ნინო წილოსანსა და ლანჩხუთის მუნიციპალიტეტის გამგეობას.

„ჩვენი პრიორიტეტი განათლების ხელშეწყობაა“- აღნიშნა თავის მილოცვაში სკოლის სტუმარმა, სახელმწიფო რწმუნებულმა გურიის რეგიონში ზურაბ ნასარაიამ, რომელმაც ლანჩხუთის მუნიციპალიტეტის გამგებელ ალექსანდრე სარიშვილთან და ლანჩხუთის მუნიციპალიტეტის საგანმანათლებლო რესურსცენტრის ხელმძღვანელ ნინო ჩიტაძესთან ერთად, „ნეტბუკები“ გადასცა პირველკლასელებს საჩუქრად.

ლანჩხუთის N1 საჯარო სკოლა თითოეულ მოსწავლეს, მასწავლებელს, მშობელს და საგანმანათლებლო სფეროს ყველა თანამშრომელს ულოცავს ახალი სასწავლო წლის დაწყებას.

„გისურვებთ, არასდროს დაგეკარგოთ სწავლისა და ახლის შემეცნების სურვილი. ეს სასწავლო წელი ყოფილიყოს აღსავსე მრავალი სასიხარულო მოვლენებით! ჩვენ ერთად უნდა შევქმნათ საქართველოს წარმატებული მომავალი!“,-აღნიშნავს სკოლის წარმომადგენელი.

იხილეთ ფოტოები