ხაშურის მუნიციპალიტეტის, ოსიაურის საჯარო სკოლის მე -10 კლასის მოსწავლეები გიორგი ძამანაშვილი, მარიამ მახარაშვილი და თაზო დაბრუნდაშვილი ბათუმში „ინოვაციების და ტექნოლოგიების ბანაკში“ მიიღებენ მონაწილეობას.

სკოლის მოსწავლეები 1000-ზე მეტი განაცხადიდან იმ 100 უფროსკლასელ მოსწავლეს შორის მოხვდნენ, რომლებიც ბანაკში გაემგზავრებიან. ბანაკი მიმდინარე 7-13 სექტემბერს მოეწყობა. 

სკოლა მოსწავლეებს საუკეთესოთა შორის მოხვედრას ულოცავს. 

„ჩვენი სკოლის მე-10 კლასის მოსწავლეებს გიორგი ძამანაშვილს, მარიამ მახარაშვილს და თაზო დაბრუნდაშვილს ვულოცავთ 1000 მოსწავლიდან იმ 100 საუკეთესო უფროსკლასელს შორის მოხვედრას, რომელიც 7-13 სექტემბერს ბათუმში „ინოვაციების და ტექნოლოგიების ბანაკში“ გაემგზავრება!“,- აღნიშნულია სკოლის „ფეისბუქის“ გვერდზე გამოქვეყნებულ ინფორმაციაში.