მასწავლებლის მომზადების საგანმანათლებლო პროგრამაზე მიღებისთვის ვადები და ანკეტა-კითხვარის ფორმა დამტკიცდა. აღნიშნულის შესახებ ინფორმაციას განათლების მართვის საინფორმაციო სისტემა ავრცელებს.
უწყების ინფორმაციით, უმაღლესი საგანმანათლებლო დაწესებულებებისთვის ანკეტა-კითხვარის განათლების მართვის საინფორმაციო სისტემაში წარდგენის ვადად 2019 წლის 2 სექტემბრიდან 6 სექტემბრის ჩათვლით პერიოდი განისაზღვრა.
„დამტკიცდა 2019-2020 სასწავლო წლისათვის მასწავლებლის მომზადების ერთწლიან საგანმანათლებლო პროგრამაზე მიღების გამოცხადებისათვის ანკეტა-კითხვარისა და ჩარიცხულ პირთა შესახებ ინფორმაციის წარმოსადგენად საჭირო ფორმები, ასევე ანკეტა-კითხვარების სსიპ - განათლების მართვის საინფორმაციო სისტემაში წარმოდგენის ვადები“,- ნათქვამია განათლების მართვის საინფორმაციო სისტემის ინფორმაციაში.
