ყვარლის მუნიციპალიტეტის ბალღოჯიანის საჯარო სკოლაში სოციალური პროექტები განხორციელდა. 

პროექტებს პედაგოგი გულნაზი მახათაძე ხელმძღვანელობდა.

სკოლის წარმომადგენლის თქმით, პირველი პროექტის - „მე რომ მილიონი მქონდეს“ ფარგლებში, მოსწავლეებმა სოფლის მშენებარე ტაძარის მიმდებარე ტერიტორია დაასუფთავეს და გაამწვანეს.

„პირველი პროექტის სახელწოდებაა -„მე რომ მილიონი მქონდეს“. შეგროვდა მოზარდთა სურვილები ამ თემასთან დაკავშირებით. ერთ-ერთი იდეა იყო სოფლის მშენებარე ტაძარის დასუფთავება და მისი მშენებლობის დასრულება. ეს იდეა ნაწილობრივ განხორციელდა - მოსწავლეებმა ტაძრის მიმდებარე ტერიტორია დაასუფთავეს. პროექტის ერთ-ერთი აქტივობა იყო ასევე ტაძრის ტერიტორიის გამწვანება. მოსწავლეებმა ტაძრის ეზოში ნაძვის ნერგები დარგეს“, - ამბობს სკოლის წარმომადგენელი. 

სკოლაში ასევე განხორციელდა პროექტი - სპორტულ-შემეცნებითი აქტივობა - „მხიარული სტარტები“. ერთმანეთს სხვადასხვა ასაკობრივი ჯგუფის მოსწავლეები შეეჯიბრნენ. 

სკოლის აღსაზრდელები სახალისო პრიზებით დაჯილდოვდნენ.

იხილეთ ფოტოები