ქართული ენისა და ლიტერატურის გამოცდის II სესიაზე დარეგისტრირებულ აბიტურიენტთა 97% გამოცხადდა. ამის შესახებ ინფორმაციას შეფასებისა და გამოცდების ეროვნული ცენტრი ავრცელებს.

მეორე სესია 15:00 საათზე დაიწყო. 

ხვალ აბიტურიენტები ქართული ენისა და ლიტერატურის გამოცდას ისევ ორ სესიად ჩააბარებენ. პირველი სესიისათვის რეგისტრაცია 08:00 საათზე დაიწყება, მეორე სესიისათვის კი 14:00 საათზე;

შეფასებისა და გამოცდების ეროვნული ცენტრი სთხოვს აბიტურიენტებს ყურადღებით გაეცნონ საგამოცდო ბარათზე მითითებულ ინფორმაციას და არ დაიგვიანონ გამოცდაზე.

ასევე იხილეთ: ქართული ენისა და ლიტერატურის გამოცდის პირველ სესიაზე აბიტურიენტების დაახლოებით 8% არ გამოცხადდა