პოლინოზი- ანუ მცენარეული ალერგია მოსახლეობის დაახლოებით 10%-ს აწუხებს. ცემინება, თვალების და ცხვირის მიდამოების შეშუპება, ქავილი და სურდოსმაგვარი სიმპტომები სწორედ პოლინოზის ნიშნებია, რაც უმეტესად ყვავილის მტვრით არის გამოწვეული.
საქართველოსთვის დამახასიათებელია მცენარეთა ყვავილობის სამი სეზონი: ადრე გაზაფხულზე, გაზაფხულ-ზაფხულის გარდამავალ პერიოდში და ზაფხულ-შემოდგომის გარდამავალ პერიოდში. ალერგიული გამოვლინებებიც ძირითადად ამ პერიოდში აქტიურდება.
პოლინოზს მკურნალობენ როგორც უშუალოდ გამწვავების დროს, ისე პროფილაქტიკურადაც. დაავადების სიმპტომების შესამცირებლად უმთავრესად - ანტიჰისტამინურ, შეშუპების საწინააღმდეგო საშუალებებს იყენებენ.
თავის დასაცავად კი აუილებლად გაითვალისწინეთ შემდეგი რჩევები:
- დროულად მიმართეთ ექიმს
- მოერიდეთ გარე აქტივობებს მზიან და ქარიან ამინდში
- ატარეთ მზის სათვალეები
- მიიღეთ შხაპი სახლში დაბრუნებისას
- სახლში მისვლისას აუცილებლად გამოიცვალეთ სამოსი
- არ გააღოთ მანქანის ან სახლის ფანჯრები, გასაკუთრებით დილით
