ხარაგაულის ბაზალეთის საჯარო სკოლაში დაწყებითი კლასების მოსწავლეებმა წარმოადგინეს მუსიკალურ-ლიტერატურული კომპოზიცია ვასილ გულეურის ლექსების კრებულის „ციცქნა ციკოს ცისქვეშეთი“-ის მიხედვით.

პატარებმა სამსახიობო ოსტატობით გააცოცხლეს თითოეული პერსონაჟი: ჭორიკანა კაჭკაჭი და ჩხიკვი, პრანჭია მელაკუდა ედელინა, მავნე დათვი, მუყაითი ციყვი ციკო, კალათბურთელი ჟირაფი, მეხანძრე სპილო, თავდადებული რწყილი და ჭიანჭველა.

მოსწავლეთა შემოქმედებითი უნარების მაღალ დონეზე წარმოჩენაზე იზრუნეს პედაგოგებმა: მაია ჭიპაშვილმა, ფიქრია ტალახაძემ, ნინო ლოლაძემ და ნინო გურეშიძემ. ღონისძიება მუსიკალურად გააფორმა ლელა ბარბაქაძემ.

იხილეთ ფოტოები