სიღნაღის საჯარო სკოლის მოსწავლეები საინტერესო პროექტში ჩაერთნენ.

„ცოცხალი წიგნები წმინდა ნინოს გზით“ ფოკიდან დაიწყო და სიღნაღსა და ბოდბის მონასტერში დასრულდა.

პროექტის მონაწილეებს  მონასტრის ულამაზეს ეზოში, მშვიდ და სასიამოვნო გარემოში სიღნაღის საჯარო სკოლის მოსწავლეები შეხვდნენ.

ისინი სულგანაბული უსმენდნენ ქართველ ქალ პოეტებს: ეთერ თათარაიძეს, მარიამ წიკლაურს, მანანა ჩიტიშვილს, რუსუდან კაიშაურს, ელა გოჩიაშვილსა და მანონ ბულისკირიას. ეთერის ლექსების თუშურ ხმოვანებას მანანა ჩიტიშვილის გულანთებული სტრიქონები ენაცვლებოდა. 

შეხვედრა გაახალისა ქეთევან დუმბაძის მოგონებებმა მამაზე, ნოდარ დუმბაძეზე.