საგარეჯოს N1 საჯარო სკოლაში სახალისო თამაშებში  შიდა შემაჯამებელი ფესტივალი ჩატარდა.

აქტივობის მიზანი მოსწავლეებში ჯანსაღი ცხოვრების წესის პოპულარიზაცია და დამკვიდრება გახლდათ.

ფესტივალი სკოლის ადმინისტრაციის ხელშეწყობით მოეწყო და მას სპეციალურად მოწვეული სტუმრები: რესურსცენტრის ხელმძღვანელი მანანა ცუცქირიძე, ფიზიკური აღზრდისა და სპორტის ექსპერტი გიორგი ბეგიაშვილი და მევლუდ ლაშაური ესწრებოდნენ.             

აქტივობაში მესამეკლასელები და კლუბი „პირველების“ წევრები, მშობლები, მანდატურები, პედაგოგები: ოთარი დევდარიანი, ლალი ქაიხოსროშვილი და იამზე თედიაშვილი მონაწილეობდნენ.

მოსწავლეებმა სპორტული ნიჭი მრავალმხრივ გამოავლინეს და დამსწრეთა დიდი მოწონებაც დაიმსახურეს.

იხილეთ ფოტოები