ახალქალაქის მუნიციპალიტეტის ბეჟანოს საჯარო სკოლაში ანბანის ზეიმი ჩატარდა.

ქართული ენისა და ლიტერატურის მასწავლებლის, გუანა მკოიანის ხელმძღვანელობით ნიჭიერმა მოსწავლეებმა საინტერესო ღონისძიებას უმასპინძლეს.

ლექსებისა და მუსიკალურ-ქორეოგრაფიული ნომრების წარდგენით მათ აუდიტორიის დიდი მოწონება დაიმსახურეს.

სკოლის დირექციამ მოსწავლეებს სასწავლო წლის წარმატებით დასრულება მიულოცა და მეტი წინსვლა უსურვა მომავალში.