წყალტუბოს N4 საჯარო სკოლაში საქართველოს განათლების, მეცნიერების, კულტურისა და სპორტის სამინისტროსა და საქართველოს საარჩევნო სისტემების განვითარებისა და სწავლების ცენტრის ადმინისტრაციასთან გაფორმებული თანამშრომლობის მემორანდუმის საფუძველზე საინფორმაციო - სასწავლო კურსი - „არჩევნები და ახალგაზრდა ამომრჩეველი“ მიმდინარეობდა. 

სკოლის წარმომადგენლის თქმით, სასწავლო კურსს საინტერესოდ უძღვება ამავე ცენტრის ტრენერი სალომე ქაჯაია.

სასწავლო კურსში მე-11 და მე-12 კლასის მოსწავლეები მონაწილეობდნენ. მიმდინარე სასწავლო კურსის ბაზაზე სკოლაში იმიტირებული არჩევნები ჩატარდა. 

„ეს ყოველივე ძალიან საინტერესო აღმოჩნდა ჩვენი მოსწავლეებისთვის, ამით უფრო ამაღლდა მათი ცოდნა არჩევნებთან დაკავშირებით“, - აღნიშნავს სკოლის წარმომადგენელი. 

იხილეთ ფოტოები