ტყიბულის მუნიციპალიტეტის, ორპირის საჯარო სკოლის მოსწავლეები საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებულ სასკოლო - პრაქტიკულ კონფერენციაში „რწმენა ჩვენს ცხოვრებაში“ მონაწილეობდნენ.

სკოლის წარმომადგენლის თქმით, პირველ ეტაპზე გაგზავნილი მოხსენებები - ანი ავალიანის ( მერვე კლასი )- „მაინც რა არის სამშობლო“,  მარიამ ლანჩავას ( მეათე კლასი ) - „ჩემი საყვარელი პერსონაჟი და წმინდანი“ დადებითად შეფასდა.

მეორე ეტაპზე მოსწავლეებმა საპატრიარქოს ახალგაზრდულ ცენტრში დაწერეს ადგილზე მიცემული თემები: ანი ავალიანი -„ნეტარ იყვნენ გლახაკნი სულითა“, მარიამ ლანჩავა - „ბედნიერება ჭეშმარიტებაშია“.

გამარჯვებული მოსწავლეები მოხსენებებით 7 მაისს მესამე დასკვნით ეტაპზე, კონფერენციაზე წარსდგნენ.

ორპირის საჯარო სკოლა ქართული ენისა და ლიტერატურის მასწავლებელს დარეჯან ბაკურაძეს მოსწავლეების წარმატებას ულოცავს, ანისა და მარიამს კი წინსვლას უსურვებს. 

იხილეთ ფოტო